په علامه د سپرلي پوهی شوم******** پیغلو ټومبلي په اوربل کې سره ګلونه

د ګیډۍ ګیډۍ سلامونو ترځنګ د ۱۳۸۷ کال لومړۍ ورځ(د نويې کال ورځ) له کبله تاسو ته او د ستاسو د له لارې ټولو لوستونکو ٬ د هغوئ کورانۍ او د نړۍ په ګوډ ګوډ کې ټولو افغانانو ته د زړه له کومې مبارکۍ وړاندې کوم د لوئ ځیښتن څخه دا کال افغان څوریدلي اولس ته د خیر او برکت نه ډک او ټولو افغانانوپه تیره پښــــــــتون قوم ته د اتفاق او اخوت کال غواړم
خدای (ج) د وکړي چې دا کال د تیرو څو لسیزو په شان د بې ګنا ه او بې دفاع افغانانو به وینو سور او داغلی نه وي بلکې د هغو نورو په خلاف د نویو هیلو راوړونکی او په زړو زخمونو پټۍ ایښیدونکی کال وي
آمین یا ربُ العالمین
په درانښت ولایت خان «ځــــــــدراڼ

 

 

                      راشه بهاره!

راشه د ښایست بهاره ښار در ته په تمه دی

ټوک ټوک په خزان دی او ګلزار در ته په تمه دی

وچــو ورشوګــــانو ته اوبه د رحمت راوله

ښکلي ګودرونو کړه چنار در ته په تمه دی

زلفو د نښـــــــترو ته تیل د رنځیړو۱ ور کړه

ځیړۍ په ګډا راوله سپیدار در ته په تمه دی

مستې نغمې جوړې کړه غزلې پکې ناوې کړه

سور ور کړه محفل ته چې ګیتار در ته په تمه دی

ټولې د هر کلي سندرمارې چمبې مارې کړه

ستوني یې تازه کړه یکازار در ته په تمه دی

ډوب یې کړه نیشه یې کړه غمونه ورنه وشړه

ورک یې له خپل  ځانه کړه خُمار در ته په تمه دی

 

ښــــار ته د مینو ارزاني د ښــــــــــــکلا راوله

زړه کې د «ځــدراڼ» یو لوی بازار  در ته په تمه دی

   

په مینه «ځــــــــــدراڼ

 

  ۱  رنځیړه هغو تیلو ته وایې چې د نښتر او لمنځو د لرګیو ځخه د اور د تودوخي په نتجه کې لاس ته راځي